BAYUGAN CITY, Agusan del Sur -- Isip pagsaulog sa ika-22 nga Children’s Month sa nasud, usa ka programa ang gipahigayon sa Lokal nga Panggamhanan sa syudad sa Bayugan nga gipanguluhan sa City Social Welfare and Development Office (CSWD) didto sa Lope A. Asis Memorial Gymnasium miadtong Oktobre 15.Gitambongan ang maong kalihokan nila Mayor Kim Lope “Bobong” A. Asis, Vice Mayor Charles P. Anggayong, Local Government Operation’s Officer (LGOO) Madolyn V. Lim, Sangguniang Panlungsod (SP) Chairman on Committee on Children, Women, Family ug kasamtangang National Movement of Young Legislators (NMYL) President Kirk A. Asis ug representante sa DILG – Agusan del Sur Chapter.
Atol sa panghitabo, gipahayag ni Mayor Bobong Asis ang iyang State of the Children’s Address nga gitambongan sa mga kabatan-onan, empleyado sa gobyerno ug uban pang mga tao nga buot makasaksi sa maong kalihukan.
Gipadayag usab ni SP Chairman on Committee on Children, Women, Family ug NMYL President Kirk A. Asis ang Children’s Rights, diin game na game kini nga gipaapil ang mga kabataan sa iyang speech ug naghatag og pahalipay sa mga misalmot nga bata ug misayaw pa kini kauban ang mga kabataan sa dili pa nahuman ang iyang pulong.
Nagpakita sa ilang mga talento pinaagi sa usa ka intermission number ang mga estudyante gikan sa Bayugan National Comprehensive High School (BNCHS) Naamuhan Dance Troupe ug BNCHS Himig Youth Choir.
Gimugna usab ang usa ka eleksyon para mapili ang mahimong Little City Officials para sa Children’s Day of Governance para sa aktibidad sa sunod nga adlaw (Oktobre 16).
Nahuman ang aktibidad sa maong adlaw nga hapsay ug malinawon.
Mag-post ng isang Komento